BZ-004 Na Hönö Mbawagu Ena'ö

1.    Nahönö mbawa gu ena’ö, nibe’e Lowalangigu.
U’oguna’ö ba wanunö moroi sibai ba dödögu.
Ba wangombakha sebua, nitemagu khö Zo’aya.

2.   Nahönö nawögu ena’ö, si oi tana khö Zo’aya.
Sangosara tödö wanunö, fanuno Lowalangida.
Me on fondrege zebua, mbuala nibe’e-Nia.

3.   Sökhi ululu wa’aurigu, amatöröŵa Geheha.
U’oguna’ö halöŵögu, famolakhömi Yehowa.
Ba fefu zi no utema, ube’e sumange-Nia.

4.   Utandrösaigö khö Zo’aya, wanunö fao fangandrögu.
U’andrö be khögu Geheha, samaoso era’eragu.
Wangai halöŵö Zo’aya, fatua aurido nasa.

5.   Usunosuno Lowalangi, si sökhi-tödö ba khögu.
Me no utema wa’omasi, sisandrohu wa’aurigu.
Si löfamaedo baniha, wa’ebua dödö-Nia.

BZ-003 Masuno'ö Yehowa

1.   Masuno-Ö, Yehowa, fa’abölö-Mö masuno.
Khö-U mangalulu niha, oi ahölihöli dõdõ.
Lowalangi Yehowa, gõtõgõtõ wa’ara.

2.   Sumange la’ohe khö-U, mala’ika awö niha.
Dozi ira manunö, lasunosuno Yehowa.
Lira lö mo’aetufa, götögötö wa’ara.

3.  Ya ahakhö-dödö-Mö, wamolala ae tödöma.
Be’e howuhowu-Mö, me no Öfabu’u khöma.
Khö-U madönadöna i, me khõ-U so wangorifi.

4.  Solomasi Ndra’ugö, ba moto he ba nosoma.
Ö’efa’ö ndra’aga, ba wamaelungu zatana.
Ya’ugö gubaloma, sondrorogö ya’aga.

BZ-002 Suno Zo'aya, Samati Khönia

1.   Suno Zo’aya, samati khö-Nia, ae omusoi’ö dödömö wanuno.
Wangebua’ö Fondrege Zalaŵa, suno Zo’aya.

2.   Suno Zo’aya me Ibe mbuala, me Idozigö wame’e si sökhi.
Ba no fahöna Ibe ba zamati, suno Zo’aya.

3.   Suno Zo’aya Irorogö ita, I’ohe ita ba lala satulõ.
Dozi niha sedöna ae molo’ö, suno Zo’aya.

4.   Suno Zo’aya me lö aefa’aefa, oi Ihörögö zamati khö-Nia.
Afu khö-Nia manötöna ira, suno Zo’aya.

5.   Suno Zo’aya me kubalo Ia, Ifolombase, Ibe’e zabönö.
Ifasao ita ba zahono dödö, suno Zo’aya.

6.   Suno Zo’aya sanimba te’ala, si no elungu, I’ohe ba lala.
Ibe’e wotu ba famangelama, suno Zo’aya.

7.   Suno Zo’aya solului khöda, na tebai ita ba wolaŵa horö.
Itolo ita ba wasõndratada, suno Zo’aya.

8.   Suno Zo’aya me Ibe Geheha, sondrara tödö na tosasa ita.
Oi Ifasao, Itolo göi ba lala, suno Zo’aya.

9.   Suno Zo’aya si lö faröi khöda, he no faröi khöda fefu nawöda.
Lö sa faröi khöda Lowalangida, suno Zo’aya.

BZ-001 Haleluya, Khö Yehowa

Haleluya, Khö Yehowa, wa'omuso dödögu.
Suno Ia silö'aetu, khö-Nia wanunögu.
Sagötö fa'aurigu, lö'ubato wanuno 

Ya'ahowu dozi niha, samati khö Yehowa
Sanötöna fangorifi, ba döi Yesu So'aya
Sarotödö ba da'ö, fa'auri dötönafö 

Yehowa zamokai hörö, ba same khöda haga.
Ibönökhi göi wame’e, fefu zoguna khöda.
Lö manö farõi Ia, ba nifabu’u-Nia. 

Salaŵa yaŵa Zalaŵa, Lowalangi Yehowa. 

Andrö ta’o’ö li-Nia, lö manõ baero-Nia. 

No so Ia ba khöda, haleluya khö-Nia.