BZ-100 YESU NONO MBIRIBIRI

1.       Yesu Nono Mbiri-biri, soroi Lowalangida.
Horöda fefu I lu'i, wangorifi ya'ita.
No Ilulu mbotoNia, wanalahini ya'ita, wama'aso fangefa.
No Itaha wango'aya, irugi mate ba röfa, oi saohagölö Nia.

2.      Yesu Ono Lowalangi, si no fa'awö khögu.
Ha Ya'ia zangorifi, sangatulö tödögu.
Me no Ama zanguma'ö: "Ae orifi zi so horö, sanawö oroisaGu.
Me no ebua wönuGu, ae'e höli mbanuaGu, doMö nihonogöiGu."

3.      "U'o'ö niẅa'öU Ama, no sa aoha gölöGu.
Ufalua zomasi'Ö, Utehe na labunu."
Heẅa'ae no fa'afökhö si lö famaedo ba danö, tola manö Utaögö.
Me halöẅö fangatulö, da'ö zi no Öhonogöi, fa auri mbanuaMö.

4.      Fefu nitaögöMö Yesu, utanö ba dödögu.
Wa no möi'Ö salahigu, wangefa'ö horögu.
U'omasi'ö Ndra'ugö, umbu wa'ebua dödö, liMö uturiaigö.
Ya khöU ndra'o lö mamalö, be'e khögu wa'abölö, ba fa'omuso dödö.

5.      He Yesu, ha ubè sulö, fefu wa'omasiMö.
Botogu fao fa'abölö, ube'e sumangeMö.
He Yesu, tema göi ndra'o, na no irugi inötö, wondröigu ulidanö.
Utou'ödo ba dangaMö, bè khögu wangefa horö, ohedo ba zi so'Ö.

BZ-099 HE YESU, NIFORÖFA

1.       He Yesu, niforöfa, ba hili Gologata, heẅa'ae lösala.
Fahöna wango'aya, la'osö nasa danga, irege mate ba röfa.

2.      He Yesu, niforöfa, si lö irai fasala, sagötö fa'ara.
Solo'ö li Yehowa, ba wangorifi niha, gofu hadia soi ira.

3.      He Yesu, niforöfa, si lö manö manema, li zangaohangaoha.
Ötaögö zagafökhö, Ölu'i fefu horö, ba mangandrö salahira.

4.       

5.      He Yesu, niforöfa, si mate salahigu, usuno Ndra'ugö.
Efa'ö golalöẅa, fefu horö nilaugu, utou'ö föna röfaMö.

6.      He Yesu, niforöfa, be'e khögu wangefa, si no Öfabu'u.
Ubè göi niforöfa, dödögu si tohöna, u'o'ö liMö,Yaduhu.

BZ-098 TÖNGÖNI YESU SO’AYA

1.       Töngöni Yesu So'aya, ba kabu Gezemane.
Me mangalulu tou Ia, ba wangandrö khö Nama.
"Na so khöU lala he Ama, böi Utörö böi a lu a, wanguhuku ba rö fa.
Böi somasiDo itörö, ya'alua zomasi'Ö, fe fu liMö U'o'ö."

2.      Töngöni Yesu So'aya, sabu tödö wangandrö.
Me tehare'ö khöNia, fefu ngawalö horö.
Ilu'i fefu horöda, fa lö alua tatema, wönu Lowalangida.
Alua mböböi Zo'aya, do si'oroi mbotoNia, mowöiwöi tou ba danö.

3.      Töngöni Yesu So'aya, mè no lara'u Ia.
La'ohe föna zalaẅa, latandraẅaisi Ia.
Ba lafalali nahia, oi lafakao, la'o'aya, lafabözi'ö Ia.
Itaögö fefu Itaha, he oi mangele ndroNia, lö hedehedeNia.

4.      Töngöni Yesu So'aya, ba Hili Gologata.
Me no aetu hukuNia, ba la'osö ba röfa.
He ẅa'ae lö nisöndrara, horö awö golalöẅa, ba no lahuku Ia.
Fefu da'ö no Itaögö, fa tobali samatörö, si lö tebulöbulö.

5.      Töngöni Yesu So'aya, saetu noso ba röfa.
Mangandrö salahi niha, samoröfa Ya'ia.
"He Ama bè aefa khöra, me lö la'ila nilaura, böi be'e fo'ömöra."
Da'ö wa'omasiNia, ömöda fefu Ibu'a, fa'auri Ibe khöda.

6.      Töngöni Yesu So'aya, sangomasi'ö niha.
Si mate yaẅa ba röfa, tobali salahida.
Sulö wa'omasiNia, lafaogö ba zango'aya, hulö zo'olalöẅa.
Khöda fefu manandrösa, nitaögö Yesu So'aya, ba wolo'ö li Nama.

BZ-097 MITABU TA’ONDRASI

1.       Mitabu ta'ondrasi, Nono Lowalangida,sino teforöfa.
Sangefa'ö horöda, sino fahöna khöda, falö a'ozu tehuku.

2.      Börö horöda fefu, wa teforöfa Yesu, si möi salahida.
No saohagölöNia, Ibè nibunu Ia, ba wangorifi ya'ita.

3.      Me la'o'aya Ia, labözi mbawaNia, ba lö Isulöni.
Lö hedehedeNia, ebolo dödöNia, mangandrö Ia salahi.

4.      Ha fa'amate Yesu, zi möi fangatulöda, ba khö Lowalangi.
Tenga firö, ana'a, zi möi fangöhölida, ha ba Ndro Yesu tesasai.

5.      Da ta'ondrasi Yesu, ba wanema fangefa, afu auri ita.
Ya mo'arota ita ba wamati khöNia, me fangatulöda Ia.

BZ-096 FONDREGE WA’AFÖKHÖ

1.       Fondrege wa'a fö khö, Yesu nitaögöMö.
Yaẅa ba döla röfa ba wa'amateMö.
Takula doi la be'e, yaẅa ba högöMö.
Ba latöla'ö gahe, la'o sö dangaMö.

2.      Moroi ba döla röfa, mangele sa ndroMö.
Ato göi zango'aya, latandraẅaisi'Ö.
Me lö faduhu dödö, wa Mesia da'ö.
Sangefa'ö ba horö, niha gulidanö.

3.      Ba lö sa Ösulöni, lö hedehedeMö.
Mangandrö na Ndra'ugö, salahi nuduMö.
Fangoroma lakhömi, wa'atulö dödö.
Öbè sumange Nama, fefu wamakaoMö.

4.      Ya'o ba gahe röfa, no safönu horö.
Ya'o enaö nihuku, me no oya lalö
He fönu he famunu, khögu manandrösa.
Öbelegö ndra'odo, Keriso So'aya.

5.      No faduhu dödögu, ha khöU so wangefa.
DoMö si no aduwa, sangele ba röfa.
Fefu ngawalö zala, utou'ö fönaMö.
Fa utema wangefa, ba wa'amateMö.

6.      Ba na torege khögu, na aetu nosogu.
Tötönafögu Yesu, sondrara tödögu.
No Ihöli ndra'odo, ba horögu fefu.
Andrö omuso dödö, Yesu wemönagu.