BZ-009 Böi Tebato Wanunögu

1.   Böi tebato wanunogu, Lowalangi So’aya.
Fa’auri ba si so khögu, ya’oi sumange-Nia.
Ha sambalö fa’omasi, ba fa’ebua dödö.
Mbuala Lowalangi, ba zamati sanau’ölö.
Lö faröi sa Zo’aya, he dudu danöda.

2.   No töra moroi khö nina, wendroro ononia,
Wamaeri Yesu So’aya, ya’o tana khö-Nia.
Me omasi Lowalangi, na auri göi ndra’odo.
Andrö wa no Ikaoni, afu u’o’ö Keriso.
Lö faröi sa Zo’aya, he adudu danöda.

3.   Ifatenge Nono-Nia, Ama, Lowalangigu.
Itehe nibunu Ia, simöi fangorifigu.
He tödögu, lau anunö, böi olifu ndra’ugö.
Angalulu khö Yesu, me sangorifi ya’ugö.
Lö faröi sa Zo’aya, he adudu danöda.

4.   No Ibe Geheha-Nia, samatörö tödögu.
Awö daromali-Nia, wamohaga lalagu.
Sangaro’ö famatigu, sondrou’ö fanötöna.
Solaŵa emaligu, ba ginötö watelesa.
Lö faröi sa Zo’aya, he adudu danöda.

5.   Irorogö sa ndra’odo, Ibönökhi zoguna.
He na mofökhö ndra’odo, lö Iröido So’aya.
Ba wofanö Ilumö’ö, fa lö göna te’ala.
Ifasugi ba dödö, wanunonuno Ya’ia.
Lö faröi sa Zo’aya, he adudu danöda.

6.   He So’aya, amölido, wanörö ulidanö.
Fa lö te’ala ndra’odo, me oya wanandraigö.
Böi famalö amenesi, ndra’odo na elungu.
Efa’ödo ba horö, si no emali dödögu.
Rorogödo, So’aya, irugi gamozua.