BZ-032 AHATÕ AE ZO’AYA

1.       Ahatõ ae Zo’aya, Fondrege Zalaŵa.
Sabõlõ ba sanolo, sameta horõda.
Sahakhõ tõdõ Ia ba niha fefu sa.
Andrõ Irõi zorugo wolohe fangefa.

2.      Ahatõ ae Zo’aya, mõi tou ba danõda.
Si no faduhu tõdõ, zangila Mesia.
Somuso tõdõ ira wanuno Yehowa.
Hozana wangowaira Fondrege Zalaŵa.

3.      Ahatõ ae Zo’aya, fosumange tõdõu.
Tõdõu ae be nihaogõ, fa tobali bohou.
Faondragõ soroi-dõdõ, bõi rõrõ ndra’ugõ.
Õfa’anõ wandrumõ, ondrasi razomõ.

4.      Ahatõ ae Zo’aya, sondrara tõdõda.
Itolo, Ifolala, gabula-dõdõda.
He numana-dõdõda, so dõtõnafõda.
Ba luo safuria, omuso dõdõda.

5.      Ahatõ ae Zo’aya, nifatenge Nama.
Aefa sawuyu-horõ, zolo’õ Ya’ia.
Ba wa’omasi-Nia, oi Ibohouni sa.
He tanõ, he banua, awõ nõsinia.

6.      Ahatõ ae Zo’aya to’ele ba niha.
Mõi Ia ba wogaoni ya’ita khõ Nama.
Ya dozi tafa’anõ ita zamõsana.
Wanema’õ Ya’ia me fangorifida.