BZ-095 HA SAMBALÖ ZI NO AMAEDOLA

1.       Ha sambalö zi no amaedola, göda bongi ma'ökhö.
Sitobali fangahono dödö, ba wekoli ba danö.
Na tatöngöni Yesu So'aya, si no mangomasi'ö ya'i ta.
Si no mate ba röfa, ba wolo'ö li Nama.

2.      Yesu zi tobali biribiri, fangatulö khö Nama.
Ya'ia zi no manaögö huku, salahida ba röfa.
Andrö wa oi te'orifi ita me no Ihöli fefu horöda.
Oi khöda manandrösa, fefu nitaögöNia.

3.      Si tebai manö olifu ita, fefu zi no tatema.
Wa no Ibologö dödöNia, ba ngawalö nilauda.
Andrö wa dozi Ikaoni ita, afu dozi oi tatema Ia.
Me lö sa baeroNia, zi möi fangorifida.

4.      Duhu ha khö Yesu tatehegö, mboto fao fa'aurida.
Da ta'o'ö daroma liNia, sanuturu lalada.
Afu oi atulö halöẅöda, götö zi sandrohu fekolida.
Ya tatehe dödöda, nifatörö Geheha.