BZ-044 HOSIANA SO’AYA

1.       Hosiana, So’aya, zi to’ele ba Ziona.
No fondrege Zalaŵa, Ono Lowalangi Ama.
Ma’uwu Dawido gõi, Sangorifi fefu soi.

2.      Hosiana, So’aya, ma’owai-’Õ fanunõma.
Oi humulu-dõdõma, wanema Ya’ugõ khõma.
Onahia dõdõma, wamatõrõ ya’aga.

3.      Hosiana, So’aya, tologa, ehao dõdõma.
Bohouni gamuata, fa bõi alua wangala.
Hagainiga Eheha, fa masõndra gaurifa.

4.      Hosiana, So’aya, khõ-U manõ manõtõnaga.
Dõnisi gõi nawõma, fa larõi nikhoi dõdõra.
Osara’õ dõdõma, wamati khõ-U Zo’aya.

5.      Hosiana, So’aya, samatõrõ fefu niha.
Abõlõ’õ ndra’aga, wangomasi’õ awõma.
Fosinema ndra’aga, buala soroi Nama.