BZ-048 BA ZORUGO MOROI NDRA’O

1.       Ba zorugo moroi ndra’o wangombakha turia õ.
Si sõkhi duria andrõ, Turia somuso dõdõ.

2.      Bongi da’a tumbu Nono, ono alawe zadono.
Ono Wondrege Zalaŵa, sangomusoi’õ tõdõda.

3.      Mitõngõni dandra andrõ, ba luha yaŵa telõlõ.
Ono andrõ zamatõrõ, fefu nõsi gulidanõ.

4.      Da’õ Keriso So’aya, Ono Lowalangi Ama.
Sangorifi, Sangefa’õ, Sangeheta fefu horõ.

5.      Same’e khõda fa’auri, si’otarai Lowalangi.
Afu dozi te’orifi, zi lõ farõi ba wamati.

6.      Ya somuso tõdõ ita, sowulo ba mbongi da’a.
Simane ira kubalo, sangalulu khõ Keriso.

7.      Tasuno Lowalangida, same Ono-Nia khõda.
Tandra wa’omuso dõdõ, tafao, ta’oigõ wanunõ.