BZ-103 TATÖRÖ TÖDÖ ZO’AYA

1.      Tatörö tödö Zo'aya, sangorifi ya'ita.
Fa'omasi nofahöna, si löfamaedo Nia.
Itaögö mate baröfa, ba wangorifi ya'ita, faböi sa'ae te'a la.
I'ohe khöda wangefa, nibe'e Lowalangida, ena'ö auri ita.

2.     Omasi Yesu So'aya, na te'orifi ita.
Na tatehegö tödöda, wolo'ö li Yehowa.
He no fabali göi ita, khö Lowalangida Ama, moroi khö wurugöda.
So Gadamo safuria, Ya'ia Yesu So'aya, sangalani satana.

3.     Nihonogöi Lowalangi, tehuku zokhö horö.
Oi si göna fangelifi, si mate lö fulitö.
Andrö itaögö So'aya, Itehe möi salahida, Itörö wamoröfa.
La'osö gahe ba tanga, hulö zindruhu mosala, lö hedehedeNia.

4.     Duhu solomasi Yesu, ebolo sibai dödö.
Mangandrö Ia ba röfa, salahi zokhö horö.
"Be aefa khöra horöra, me lö la'ila nilaura, si no balunö tödö.
He Ama böi huku ira, afu lasöndra wangefa, na so wangesa dödö."

5.     Ba wa'amate Zo'aya, alua wangorifi.
Ba sanötöna khöNia, a'ozu te'orifi.
Fanasa horö ndroNia, si no aduwa ba röfa, ba no sebua böli.
Tabu möi ita tatema, zindruhu wangorifida, soroi khö Lowalangi.