BZ-118 HE YESU, SI NO MAOSO

1.      He Yesu, sino maoso, ni susugi Nama.
Moroi bangai zimate, sa'ozu femöna.
Fefu oi Ö ' alani, zata'u dödöma.
Horö ba fa'amate, moroi ba mböröta.

2.     Me möi'Ö ba zorugo Salaẅa Wa'auri.
Möi mamöfögö naha zaro ba wamati.
He bongi he ma'ökhö Öfahowu'öga.
Duhu zi no Öẅa'ö, lö faröi'Ö khöma.

3.     Ma'andrö khöU, So'aya, fazaẅa dangaMö.
Afu mo'urakhaga, ba howuhowuMö.
Be'e khöma Geheha si möi fangabölö.
Ba wanga'i halöẅö si no Ö'oroi'ö.

4.     No Ökaoniga, Yesu, dozi tana khöMö.
Wama'ema buala, ba zerege tödö.
Faulugö wangehaogö ya'aga ba ndroMö.
Ena'ö lö tebulö wa'omuso dödö.