BZ-138 YA'ODO MÖI ENONI YESU

1.      Ya'odo möi enoni Yesu, ba wama'ema li Nia.
Ululu fefu wa'aurigu, amatöröwa Zo 'aya.
Me no höligu ndroNia, ba wa 'amate
ba röfa, ba wa'amate ba röfa.

2.     Taroma-li si fao Eheha, zanga'aro'ö tödögu.
Ya mofa'auri ba dödögu, afu möi fangabölögu.
Ba wama'ema turia, si möi fangorifi niha,
si möi fangorifi niha.

3.     No danedane wamatigu, daroma li-Mö So'aya.
Ba ha da'ö wangabölögu, ba wangombakha turia.
Fahowu'ödo, So'aya, wolohe niha khö Nama,
wolohe niha khö Nama.

4.     Ha Ya'ugö dötönafögu, sokubaloi fa'aurigu.
No faduhu sibai dödögu, Ötenawa wangalagu.
Fahowu'ö halöwögu, afu mo'ölö mofozu.
Me enoni-U ndra'o, Yesu.