BZ-105 FAMAKAO BA FA’AMATE

1.      Famakao ba fa'amate, Yesu yaẅa ba röfa.
Awö ndroNia, saduwa ba hili Gologata.
Oi sa khögu manandrösa Nitaögö Yesu So'aya.
U'andrö saohagölö ngawalö nitaögöMö.

2.     Ha börö wayaẅasagu, no tefakao'Ö Yesu.
He ta'unöẅa dödögu, fao wa lö fa'ohahau,
Fehedegu si lö faudu zi sagötö fa'aurigu.
Ha sambalö manö khöU, tefalu'igö fefu.

3.     Asese ufakao niha, ufökhöi u'o'aya.
Ba Yesu nibözi bawa, si lö horö, lö sala.
He famöbö fao famözi, oi ya'odo manö mbörö.
Fefu zokhoMö andrö, khögu tetandrösaigö.

4.     Laherai, latandraẅaisi, Ndra'ugö ba röfaMö.
He no Ono Lowalangi, si lö sala, lö horö.
Ba tobali biribiri, sumange fameta horö.
Olalöẅagu mbörö, wa Ölu'i zafökhö.

5.     Na u'angeragö tödö, ngawalö nitaögöMö.
I'otarai Gezemane, numalö ba röfaMö.
Oi fa'omasiMö mbörö, lö zi lö ufaduhu'ö.
Wa saẅatö Ndra'ugö, si lö tebulöbulö.

6.     Da u'andrö saohagölö, wa'ebua dödöMö.
Fa'aurigu fao halöẅö, ululu sumangeMö.
Lö sa'ae ufatörödo, me kubalogu Ndra'ugö.
Ya'ugö zamatörö, ya'o ero ma'ökhö.