BZ-139 YA'E DANA KHÖU, SO'AYA

1.      Ya'e dana khöU, So'aya, möi ira enoniMö.
Faigi ira abölö'ö, be khöra GehehaMö.
A'aro'ö ba fatörö, ba zomasi dödöMö.

2.     Heta göi wangiwa dödö, na göna fanandraigö.
Ya te'a'aro'ö dödö, soroi ba GehehaMö.
Be mofozu halöẅöra, saekhu ba zomasi'Ö.

3.     Fondrondrongo wangandröma, salahi genoniMö.
Me möi ira lafa'ema, daroma liMö andrö.
Tolo ira, he So'aya, wanga'i halöẅöMö.

4.     A'aro'ö wamatira, dou'ö wanötönara.
Ebua'ö dödöU khöra, ya sanau ölö ira.
Be mowua halöẅöra, timba fefu wangala.

5.     Ya'ugö dötönaföma, sondrorogö ya'ira.
Be mo'ölö halöẅöra, böi mamalö mowua.
Ena'ö oi dozi niha, mamondrongo li Nama.